показать остальные стихи главы...
1
И бысть, егда поражаше Александр Македонский сын Филиппа, иже изыде от земли Хеттиим, порази и Дариа царя Персскаго и Мидскаго, и воцарися вместо его первый во Елладе,
3
и пройде даже до краев земли, и взя корысти многих языков. И умолче земля пред ним. И возвысися, и вознесеся сердце его.
4
И собра силу крепку зело, и началствова над странами и языки и мучительми, и быша ему в данники.
6
и созва отроки своя благородныя, иже с ним бяху совоспитани от юности его, и раздели им царство свое еще жив сый.
9
И возложиша вси диадимы по смерти его, и сынове их по них лета многа, и умножиша злая на земли.
10
И изыде от них корень греха Антиох Епифан, сын Антиоха царя, иже бе залогом в Риме: и царствова в лете сто тридесять седмем царства Еллинскаго.
11
Во днех тех изыдоша от Израиля сынове беззаконнии и наустиша многих глаголюще: пойдем и завещаем завет с языки, иже окрест нас, яко отнележе отлучихомся от них, обретоша нас многа злая.
13
и предизбрашася нецыи от людий и идоша ко царю: и даде им власть творити оправдания языческая.
15
И сотвориша себе необрезание, и отступиша от завета святаго, и сопрягошася языком, и продашася еже творити лукавое.
16
И уготовася царство пред Антиохом: и умысли царствовати во Египте, яко да царствует над двема царствома.
17
И вниде во Египет в народе тяжце, на колесницах и на слонех, и на всадниках и на кораблех многих.
18
И состави брань на Птоломеа царя Египетскаго: и убояся Птоломей от лица его и побеже, и падоша язвени мнози.
20
И обратися Антиох, повнегда порази Египта во сто четыредесять третие лето: и взыде на Израиля и на Иерусалим в народе тяжце,
21
и вниде во святилище с гордынею, и взя олтарь златый и светилник свещный и вся сосуды его,
22
и трапезу предложения и возлиялники, и фиалы и кадилницы златыя, и катапетасму и венцы и украшение златое, еже на лицы церкви (бяше), и сокруши вся:
26
И возстенаша началницы и старейшины, девы и юноши изнемогоша, и красота женская изменися.
29
И по двою лету дний посла царь началника данем во грады Иудины. И прииде во Иерусалим с народом великим
30
и глагола к ним словеса мирная во льсти. И вероваша ему. И нападе на град внезапу и порази его язвою великою и погуби люди многи от Израиля:
33
и оградиша град Давидов стеною великою и крепкою и башнями крепкими, и бысть им в крепость:
35
и положиша оружия и брашна, и собираху корысти Иерусалимския, и полагаху тамо: и быша в сеть велику,
38
И бежаша обитающии во Иерусалиме их ради, и бысть обитание чуждим: и бысть чуждо семени рождения своего, и чада его оставиша его.
39
Святыня его разорена яко пустыня, праздницы его обращени суть во плачь, субботы его в поношение, честь его во уничижение:
показать остальные стихи главы...
44
И посла царь книги рукою вестников во Иерусалим и во грады Иудины, да пойдут вслед законов чуждих земли
45
и возбранят всесожжения и жертву и возлияние от святыни, и омерзят субботы и праздники,
48
и да оставят сыны своя необрезаны, еже осквернити душы их во всяцей нечистоте и осквернении,
51
По всем словесем сим написа всему царству своему и пристави надзиратели над всеми людьми: и повеле градом Иудиным жрети во всяцем граде.
52
И собрашася мнози от людий к ним, всяк оставивый закон Господень: и сотвориша лукавая на земли
54
И в пятыйнадесять день месяца Хаслева, в лето сто четыредесять пятое создаша мерзость запустения на олтари (Божии), и во градех Иудиных окрест создаша требища.
57
И идеже обреташеся у кого книга завета Господня, и аще кто соизволяше закону Господню, по повелению цареву закалаху его.
58
В силе своей творяху сице людем Израилевым, обретающымся во всяцем месяце и месяце во градех.
63
и избраша паче умрети, неже осквернитися брашны, и не хотеша преступити закона Божия святаго: и заклани быша.