показать остальные стихи главы...
5
И прииде Горгиа в полк Иудин нощию и ни единаго обрете: и искаше их в горах, понеже рече: бежат сии от нас.
6
И вкупе со днем явися Иуда на поли со тремя тысящами мужей: обаче щитов и мечей не имяху, якоже хотяху.
8
И рече Иуда мужем, иже с ним бяху: не убойтеся множества их и устремления их не ужасайтеся:
9
помяните, како спасени быша отцы наши в мори Чермнем, егда гоняше их фараон с вои многими:
10
и ныне возопиим на небо, негли како умилосердится на ны и помянет завет отцев наших и сокрушит полк сей пред лицем нашим днесь:
15
последнии же вси падоша мечем: и прогнаша их даже до Ассаримофа и даже до поль Идумейских и Азотских и Иамнийских, и падоша от них до триех тысящ мужей.
18
и Горгиа и вои его близ нас на горе: но стойте ныне противу врагов наших и поборите их, и по сих возмете корысти без боязни.
20
И виде, яко в бег обратишася, и зажгоша полк, иже суть со Иудою, дым бо зримый являше бывшее.
21
Смотрящии же сия убояшася зело: видяще же ополчение Иудино в поли готово на брань, бежаша вси в землю иноплеменников.
24
И возвращающеся песнь пояху и благословляху Бога небеснаго, яко благ есть, яко в век милость Его.
27
Он же слышав уны душею и опечалися, яко не яже хотяше, такова быша Израилю, и не какова заповеда ему царь, сицевая сбышася.
28
И во грядущее лето собра Лисиа мужей избранных шестьдесят тысящ и конников пять тысящ, да побиет Иерусалим.
29
И приидоша во Идумею и ополчишася во Вефсурех, и срете их Иуда с десятию тысящьми мужей.
30
И виде полк крепок, и помолися, и рече: благословен еси, Спасе Израилев, сокрушивый стремление сильнаго рукою раба Твоего Давида, и предал еси полк иноплеменных в руки Ионафана сына Сауля и носящаго оружие его:
35
Видя же Лисиа своего ополчения бывшее бежание, а Иудину бывшую дерзость, и яко готови суть или жити, или умрети храбро, отиде во Антиохию и собираше чуждих воев: и умножив бывшее воинство, умысли паки приити на Иудею.
36
Рече же Иуда и братия его: се, сотрени суть врази наши, взыдем ныне очистити святая и обновити.
38
и видеша святыню опустошену, и жертвенник осквернен, и врата сожжена, и в притворех возрастоша древие аки в дубраве, или аки во единей от гор, и пастофориа разбиена.
показать остальные стихи главы...
45
и нападе им совет благ разорити его, да не когда будет им в поношение, яко оскверниша его языцы. И разориша жертвенник,
46
и положиша камение на горе храма на месте приличнем, дондеже приидет пророк отвещати о них:
49
и сотвориша сосуды святыя новы, и внесоша светилник и жертвенник всесожжений и фимиамов и трапезу во храм,
50
и кадиша на жертвеннице, и возжгоша светилники, яже на подсвещнице, и светяху во храме,
52
И зело рано восташа в пятый и двадесятый день месяца девятаго: сей месяц Хаслев, сто четыредесять осмаго лета.
54
по времени и по дни, в оньже оскверниша его языцы, во он обновися в песнех и гуслех и кинирех и в кимвалех.
55
И падоша вси людие на лице свое и поклонишася, и благословиша на небо Благопоспешившаго им:
56
и сотвориша обновление олтаря дний осмь, и принесоша всесожжения с веселием, и пожроша жертву спасения и хваления,
57
и украсиша сущее пред лицем храма венцы златыми и щитами, и обновиша врата и пастофориа, и поставиша двери.
59
И устави Иуда и братия его и весь собор Израилев, да празднуются дние обновления олтаря во времена своя на всяко лето дний осмь, от двадесять пятаго дне месяца Хаслев с веселием и радостию.
60
И создаша во время оно гору Сион, окрест стены высокия и пирги крепки, да не когда пришедше языцы поперут я, якоже прежде сотвориша.
61
И посади ту воев хранити ю, и утвердиша ю хранити Вефсуру, еже имети людем в твердыню противу лица Идумеи.