показать остальные стихи главы...
1
Лета сто пятьдесят перваго, изыде Димитрий Селевкиев сын от Рима, и взыде с малыми людьми во град приморский, и воцарися тамо.
2
И бысть, егда вхождаше в дом царства отец своих, яша силы Антиоха и Лисию привести их к нему.
5
И приидоша к нему вси мужие беззаконнии и нечестивии от Израиля, и Алким предвождаше их, хотяй жречествовати:
6
и оклеветаша людий пред царем, глаголюще: погуби Иуда и братия его всех другов твоих и нас расточи от земли нашея:
7
ныне убо посли мужа, емуже вериши, да идет и видит истребления вся, яже сотвори нам и стране царстей, и да мучит их и всех помогающих им.
8
И избра царь Вакхида друга царска, иже господствоваше об ону страну реки, и великаго в царстве и верна цареви,
9
и посла его и Алкима нечестиваго, и устави ему жречество, и повеле ему сотворити отмщение в сынех Израилевых.
10
И отидоша и приидоша с силою велиею в землю Иудину: и посла вестники ко Иуде и братии его словесы мирными с лестию.
15
И глагола с ними словеса мирна и клятся им, глаголя: не воздам вам злая, ниже другом вашым. И вероваша ему.
18
И нападе страх их и трепет на вся люди, яко рекоша: несть в них истины и суда: преступиша бо уставление и клятву, еюже кляшася.
19
И воздвижеся Вакхид от Иерусалима и ополчися в Визефе, и посла и ят многих отступивших от него мужей и некиих от людий, и закла их, (и) в кладязь велик (вверже):
22
И собрашася к нему вси возмущающии люди своя, и одержаша землю Иудину, и сотвориша язву велику во Израили.
23
И виде Иуда вся злая, яже сотвори Алким, и иже с ним бяху, сыном Израилевым паче языков.
24
И изыде во вся пределы Иудейския по окрест и сотвори отмщение на мужех отторгшихся, и престаша ходити во страну.
25
Егда же увиде Алким, яко укрепися Иуда и иже с ним, и позна, яко не может противостояти им, и возвратися ко царю и оклевета их лукавне.
26
И посла царь Никанора, единаго от началник своих славных, и ненавидящаго и враждующаго на Израиля, и повеле ему избити люди.
27
И прииде Никанор во Иерусалим с силою великою и посла ко Иуде и братии его с лестию словесы мирными, глаголя:
29
И прииде ко Иуде, и поздравляху друг друга мирно: и воини уготовани бяху восхитити Иуду.
30
И познася слово Иуде, яко с лестию прииде к нему: и устрашися от него и не восхоте ктому видети лица его.
31
И позна Никанор, яко открыся совет его, и изыде во сретение Иуде бранию близ Харфарсарама.
33
И по словесех сих взыде Никанор на гору Сион: и изыдоша от иереев от святых и от старейшин людских поздравити его мирно и показати ему всесожжение приносимое за царя.
35
И клятся с яростию, рекий: аще не предастся Иуда и воини его в руки моя ныне, и будет, егда возвращуся в мире, сожгу храм сей. И изыде с яростию велиею.
37
Ты, Господи, избрал еси храм сей, нарещися имени Твоему в нем, да будет храм молитвы и прошения людем Твоим:
38
сотвори отмщение на человеце сем и на воех его, и да падут мечем: помяни хуления их и не даждь им обиталища.
показать остальные стихи главы...
41
иже послани бяху от царя Ассирийскаго (Сеннахирима), Господи, егда похулиша Тя, изыде Ангел Твой и порази от них сто осмьдесят пять тысящ:
42
тако сокруши ополчение сие пред нами днесь, и да познают прочии, яко зло глагола на святая Твоя, и суди ему по злобе его.
43
И сотвориша воини брань в третийнадесять день месяца Адара, и сотреся ополчение Никанорово, и паде сам первый во брани.
45
И гнаша их путь дне единаго от Адаса, дондеже приити в Газир, и трубами трубиша вслед их со знаменами.
46
И изыдоша от всех сел Иудейских окрест и заключиша их рогами, и возвращахуся тии к ним и падоша вси мечем, и не оста от них ни един.
47
И взяша корысти их и плен, и главу Никанорову отсекоша, и десницу его, юже простре гордо, и принесоша и повесиша противу Иерусалима.