Глава 
3

показать остальные стихи главы...

5
Но егда премощи Онии не можаше, прииде ко Аполлонию Фрасееву, иже во оно время бяше воевода Килисирии и Финикии,


6
и возвести ему, яко богатствы неизчетными наполнено есть во Иерусалиме сокровищное хранилище, яко множеству сокровищ безчислену быти, и яко не надлежат сия к вине жертв, быти же мощно, да под власть цареву подпадут вся сия.


7
Егда же прииде ко царю Аполлоний, о возвещеиных ему богатствах изяви: он же избрав Илиодора, иже бе над делами его, посла заповедав, да предреченная богатства принесет.


8
Скоро же Илиодор творяше шествие, под видом убо акибы грады Килисирийския и Финикийския проходя, самою же вещию царево повеление исполнити хотящь.


9
Пришед же во Иерусалим и любомудренно от архиереа градскаго прият, поведа о бывшем изявлении, и чесо ради прииде, сказа: вопрошаше же, аще истинно сия тако суть.


10
Тогда архиерей показа положена быти сия вдов и сирот,


11
некая же быти и Ириана сына Товиина мужа зело честна, а не якоже бе оболгаяй нечестивый Симон, всего же сребра талант четыреста, а злата двесте:

показать остальные стихи главы...
 
..
1 2
..
3 4 5 6 7 8 9 10 11 12 13
..
14 15
..

Главы на странице: одна / пять / все