Глава 
1

Ам.1  с толкованием

1
Словеса Амосова, яже быша в Кариафиариме от Фекуи, яже виде о Иерусалиме во дни Озии царя Иудина и во дни Иеровоама сына Иоасова царя Израилева, прежде двою лет труса.

Ам.1:1  с толкованием

2
И рече: Господь от Сиона возглагола и от Иерусалима даде глас Свой: и сетоваша пажити пастырей, и изсше верх Кармиль.

Ам.1:2  с толкованием

3
И рече Господь: за три нечестия Дамаска и за четыри не отвращуся его, понеже растроша пилами железными имущыя во утробе сущих в Галааде:

Ам.1:3  с толкованием

4
и послю огнь в дом Азаиль, и пояст основание сына Адерова:

Ам.1:4  с толкованием

5
и сокрушу вереи Дамасковы, и потреблю живущыя с поля Онова, и посеку племя от мужей Харраних, и пленятся людие Сирстии нарочитии, глаголет Господь.

Ам.1:5  с толкованием

6
Сия глаголет Господь: за три нечестия Газы и за четыри не отвращуся их, за еже пленити им пленение Соломоне, еже заключити во Идумею:

Ам.1:6  с толкованием

7
и послю огнь на забрала Газы, и пояст основание ея:

Ам.1:7  с толкованием

8
и потреблю живущыя из Азота, и извержется племя из Аскалона, и наведу руку Мою на Аккарона, и погибнут остаточнии иноплеменников, глаголет Господь.

Ам.1:8  с толкованием

9
Сия глаголет Господь: за три нечестия Тирова и за четыри не отвращуся его, понеже заключиша пленники Соломони во Идумею и не помянуша завета братня:

Ам.1:9  с толкованием

10
и послю огнь на забрала Тирова, и пояст основания его.

Ам.1:10  с толкованием

11
Сия глаголет Господь: за три нечестия Идумейска и за четыри не отвращуся их, понеже прогнаша брата своего мечем и растлиша матерь на земли, и восхити во свидение грозу свою, и устремление свое снабде на победу:

Ам.1:11  с толкованием

12
и послю огнь в Феман, и пояст основания оград его.

Ам.1:12  с толкованием

13
Сия глаголет Господь: за три нечестия сынов Аммоних и за четыри не отвращуся их, понеже распоряху имущыя во утробе Галаадитов, яко да разширят пределы своя:

Ам.1:13  с толкованием

14
и разжегу огнь на забрала Раввафы, и пояст основания ея с воплем в день рати, и потрясется в день скончания своего:

Ам.1:14  с толкованием

15
и пойдут царие ея в плен, жерцы их и князи их вкупе, глаголет Господь.

Ам.1:15  с толкованием

Глава 
2

Ам.2  с толкованием

1
Сия глаголет Господь: за три нечестия Моавля и за четыри не отвращуся его, понеже сожгоша кости царя Идумейска в пепел:

Ам.2:1  с толкованием

2
и послю огнь на Моава, и пояст основания градов его, и умрет со безсилием Моав, с воплем и гласом трубным:

Ам.2:2  с толкованием

3
и потреблю судию из него и вся князи его избию с ним, глаголет Господь.

Ам.2:3  с толкованием

4
Сия глаголет Господь: за три нечестия сынов Иудиных и за четыри не отвращуся их, понеже отринуша закон Господень и повелений Его не сохраниша, и прельстиша их суетная их, яже сотвориша, имже последоваша отцы их вслед их:

Ам.2:4  с толкованием

5
и послю огнь на Иуду, и пояст основания Иерусалимля.

Ам.2:5  с толкованием

6
Сия глаголет Господь: за три нечестия Израиля и за четыри не отвращуся его, понеже продаша праведнаго на сребре и убогаго на сапозех,

Ам.2:6  с толкованием

7
ходящих на прасе земнем, и бияху пястию во главы убогих, и путь смиренных совращаху: и сын и отец его влазяста ко единей рабыни, яко да осквернавят имя Бога своего:

Ам.2:7  с толкованием

8
и ризы своя связующе ужами, и завесы творяху держащыяся требища, и вино от оболганий пияху в дому бога своего.

Ам.2:8  с толкованием

9
Аз же отвергох Аморреа от лица их, егоже бе высота якоже высота кедрова, и крепок бяше якоже дуб, и изсуших плод его с верха и корение его из низу.

Ам.2:9  с толкованием

10
Аз же изведох вы из земли Египетския и обводих вы в пустыни четыредесять лет, еже прияти в наследие землю Аморрейску.

Ам.2:10  с толкованием

11
И поях от сынов ваших во пророки и от юнот ваших во освящение: еда несть сих, сынове Израилевы? Глаголет Господь.

Ам.2:11  с толкованием

12
И напаясте освященныя вином и пророком заповедасте глаголюще: не прорицайте.

Ам.2:12  с толкованием

13
Сего ради, се, Аз повращу под вами, якоже вратится колесница полна тростия:

Ам.2:13  с толкованием

14
и погибнет бегство от скоротекущаго, и крепкий не удержит крепости своея, и храбрый не спасет души своея,

Ам.2:14  с толкованием

15
и стреляяй из лука не постоит, и быстрый ногама своима не уцелеет, и конник не спасет души своея,

Ам.2:15  с толкованием

16
и крепкий не обрящет сердца своего в силах, наг побегнет в той день, глаголет Господь.

Ам.2:16  с толкованием

Глава 
3

Ам.3  с толкованием

1
Слышите слово сие, еже глагола Господь на вы, доме Израилев, и на все племя, еже изведох из земли Египетския, рекий:

Ам.3:1  с толкованием

2
вас точию познах от всех племен на земли, сего ради отмщу на вас вся грехи вашя.

Ам.3:2  с толкованием

3
Еда пойдут два вкупе всяко, аще не познают себе?

Ам.3:3  с толкованием

4
Или возревет лев из дубравы своея, ловитвы не имый? Или испустит глас свой львичищь из ложа своего всяко, аще не похитит чесого?

Ам.3:4  с толкованием

5
Или падет птица на землю без ловца? Или спадет пругло на землю, аще не имет ничесоже?

Ам.3:5  с толкованием

6
Или возгласит труба во граде, и не убоятся людие? Или будет зло во граде, еже Господь не сотвори?

Ам.3:6  с толкованием

7
Понеже не сотворит Господь Бог дела, аще не открыет наказания Своего к рабом Своим пророком.

Ам.3:7  с толкованием

8
Лев возревет, и кто не убоится? Господь Бог глагола, и кто не проречет?

Ам.3:8  с толкованием

9
Поведите странам во Ассирианех и во странах Египетских и рцыте: соберитеся на гору Самарийскую и видите чудесная многа среде ея и насильство еже в ней.

Ам.3:9  с толкованием

10
И не уразуме, яже будут противу ей, глаголет Господь, сокровищствующии неправду и страсть в селех своих.

Ам.3:10  с толкованием

11
Сего ради сия глаголет Господь Бог: Тире, окрест земля твоя опустеет, и отимет от тебе крепость твою, и разграбятся страны твоя.

Ам.3:11  с толкованием

12
Сия глаголет Господь: якоже пастух, егда исторгнет от уст львовых две голени, или обушие уха, тако исторгнутся сынове Израилевы живущии в Самарии прямо племене и в Дамасце.

Ам.3:12  с толкованием

13
Жерцы, послушайте и засвидетелствуйте дому Иаковлю, глаголет Господь Бог Вседержитель:

Ам.3:13  с толкованием

14
понеже в день, егда отмщу нечестия Израилева на нем, и отмщу на требищих Вефилих, и раскопаю роги требища, и падутся на землю:

Ам.3:14  с толкованием

15
сокрушу и поражу дом с преклеты с домом летним, и погибнут домове кости слоновыя, и потребятся и друзии домове мнози, глаголет Господь.

Ам.3:15  с толкованием

Глава 
4

Ам.4  с толкованием

1
Слышите слово сие, юницы Васанитидския, яже в горе Самарийстей, преобидящыя убогих и попирающыя нищих, глаголющыя господем своим: подадите нам, да пием.

Ам.4:1  с толкованием

2
Клятся Господь святыми Своими, яко се, дние грядут на вы, и возмут вы во оружии, и сущих с вами ввергут в конобы подгнещаемыя огненнии губителие:

Ам.4:2  с толкованием

3
и извержены будете наги прямо друг друга и отвержетеся в гору Ремман, глаголет Господь.

Ам.4:3  с толкованием

4
Внидосте в Вефиль и беззаконновасте, и в Галгалех умножисте еже нечествовати, и принесосте заутра требы вашя, в треденство десятины вашя:

Ам.4:4  с толкованием

5
и прочтоша извне закон и призваша исповедание: возвестите, яко сия возлюбиша сынове Израилевы, глаголет Господь Бог.

Ам.4:5  с толкованием

6
Аз же дам вам оскомину зубом во всех градех ваших и недостаток хлеба во всех местех ваших: и не обратистеся ко Мне, глаголет Господь.

Ам.4:6  с толкованием

7
И аз удержах дождь от вас прежде триех месяцев жатвы, и надождю на един град, а на другий (един) не надождю: часть едина надождится, и часть, на нюже не надождю, изсохнет:

Ам.4:7  с толкованием

8
и соберутся два и три града во град един пити воду и не насытятся: и не обратистеся ко Мне, глаголет Господь.

Ам.4:8  с толкованием

9
Побих вы раждежением и златеницею: умножисте вертограды вашя, винограды вашя и смоквы вашя и масличия ваша: сия поядоша гусеницы: и ниже тако обратистеся ко Мне, глаголет Господь.

Ам.4:9  с толкованием

10
Послах на вы смерть на пути Египетстем, и избих оружием юношы вашя, с пленом коней твоих, и изведох во огни Полки вашя во гневе Моем: и ниже тако обратистеся ко Мне, глаголет Господь.

Ам.4:10  с толкованием

11
Разорих вы, якоже разори Бог Содому и Гоморру, и бысте яко главня исторжена из огня: и ниже тако обратистеся ко Мне, глаголет Господь.

Ам.4:11  с толкованием

12
Сего ради сице сотворю ти, Израилю: обаче, яко сице сотворю ти, уготовися призывати Бога твоего, Израилю.

Ам.4:12  с толкованием

13
Се, Аз утвержаяй гром и созидаяй ветр и возвещаяй в человецех Христа Своего, творяй утро и мглу и восходяй на высокая земли: Господь Бог Вседержитель имя Ему.

Ам.4:13  с толкованием

Глава 
5

Ам.5  с толкованием

1
Слышите слово Господне, имже аз приемлю на вы плачь: дом Израилев падеся и ктому не приложит востати:

Ам.5:1  с толкованием

2
девица Израилева повержена на земли своей, несть возставляющаго ю.

Ам.5:2  с толкованием

3
Понеже сия глаголет Господь Бог: из града, из негоже исхождаше тысяща, останется в нем сто: и из негоже исхождаше сто, останет в нем десять дому Израилеву.

Ам.5:3  с толкованием

4
Понеже сия глаголет Господь к дому Израилеву: взыщите Мене и поживете:

Ам.5:4  с толкованием

5
а не взыскуйте Вефиля и в Галгалу не входите и ко кладязю клятвы не ходите, яко Галгала пленяема пленится, и Вефиль будет аки не быв.

Ам.5:5  с толкованием

6
Взыщите Господа и поживете, яко да не возжжется яко огнь дом Иосифов, и пояст его, и не будет угашающаго дому Израилева.

Ам.5:6  с толкованием

7
Господь творяй в высоту суд и правду на земли положи:

Ам.5:7  с толкованием

8
творяй вся и претворяяй, и обращаяй во утро сень смертную и день в нощь помрачаяй, призываяй воду морскую и разливаяй ю на лице земли:

Ам.5:8  с толкованием

9
Господь Бог Вседержитель имя Ему: разделяяй сокрушение на крепость и бедство на твердыню наводяй.

Ам.5:9  с толкованием

10
Возненавидеша у врат наказующаго, и словом праведным возгнушашася.

Ам.5:10  с толкованием

11
Сего ради понеже пястьми биете убогих и дары избранны приясте от них: домы украшены соградисте, и не вселитеся в них, винограды вожделенны насадисте, и не имате пити вина от них.

Ам.5:11  с толкованием

12
Яко уведех многа нечестия ваша, и крепцы греси ваши, попирающе праведнаго, приемлюще премены и убогия от врат отреяюще.

Ам.5:12  с толкованием

13
Сего ради смысляй в то время премолчит, яко время лукаво есть.

Ам.5:13  с толкованием

14
Взыщите добра, а не зла, яко да поживете, и будет тако с вами Господь Бог Вседержитель, якоже ресте:

Ам.5:14  с толкованием

15
возненавидехом злая и возлюбихом добрая: и возставите у врат суд, яко да помилует Господь Бог Вседержитель оставшая Иосифова.

Ам.5:15  с толкованием

16
Сего ради сия глаголет Господь Бог Вседержитель: на всех стогнах (будет) плачь, и на всех путех речется: увы люте, увы люте! Призовется земледелец на плачь и на рыдание, и на ведящих плачь,

Ам.5:16  с толкованием

17
и на всех путех плачь, понеже пройду среде тебе, рече Господь.

Ам.5:17  с толкованием

18
Увы люте желающым дне Господня! Вскую вам сей день Господень? Сей бо есть тма, а не свет:

Ам.5:18  с толкованием

19
якоже аще убежит человек от лица льва, и нападет нань медведица: и вскочит в дом и опрется рукама своима о стену, и усекнет его змия.

Ам.5:19  с толкованием

20
Несть ли день Господень тма, а не свет, и мгла не имущи света своего?

Ам.5:20  с толкованием

21
Возненавидех и отвергох праздники вашя и не обоняю жертв в сонмех ваших:

Ам.5:21  с толкованием

22
зане аще принесете Ми всесожжения и жертвы вашя, не прииму, и на спасителная явления вашего не призрю.

Ам.5:22  с толкованием

23
Отстави от Мене глас песней твоих, и песни органов твоих не послушаю.

Ам.5:23  с толкованием

24
И повалится якоже вода суд, и правда якоже водотеча непроходна.

Ам.5:24  с толкованием

25
Еда заколения и требы принесосте Ми в пустыни лет четыредесять, доме Израилев?

Ам.5:25  с толкованием

26
И восприясте скинию Молохову и звезду бога вашего Ремфана, образы, яже сотвористе себе.

Ам.5:26  с толкованием

27
И преселю вы далее Дамаска, глаголет Господь: Бог Вседержитель имя Ему.

Ам.5:27  с толкованием

Глава 
6

Ам.6  с толкованием

1
Люте уничижающым Сиона и уповающым на гору Самарийскую: оымаша начатки языков, и внидоша к ним дом Израилев.

Ам.6:1  с толкованием

2
Мимоидите Халану вси и видите, и прейдите оттуду во Емаф великий и снидите оттуду в Геф иноплеменников, крепчайшыя от всех царств сих, аще болши суть пределы их предел ваших?

Ам.6:2  с толкованием

3
Приходящии в день зол, приближающиися и прикасающиися субботам лживым,

Ам.6:3  с толкованием

4
спящии на одрех от костей слоновых и ласкосердствующии на постелех своих, ядущии козлища от паств и телцы млеком питаемы от среды стад:

Ам.6:4  с толкованием

5
плещущии ко гласу пищалей, аки стояща мнеша, а не яко бежаща:

Ам.6:5  с толкованием

6
пиющии процеженое вино и первыми вонями мажущиися, и не страдаху ничесоже в сокрушении Иосифове.

Ам.6:6  с толкованием

7
Сего ради ныне пленницы будут от начала сильных, и отимется ржание конско от Ефрема.

Ам.6:7  с толкованием

8
Яко клятся Господь Собою, глаголет Господь Бог Сил: понеже гнушаюся аз всею укоризною Иакова и села его возненавидех, и отвергу град со всеми живущими в нем.

Ам.6:8  с толкованием

9
И будет, аще останутся десять мужей во единем дому, умрут, и останутся остаточнии:

Ам.6:9  с толкованием

10
и возмут свои их, и понудятся изнести кости их из дому. И речет настоятелем дому: еще ли есть у тебе? И речет: несть еще. И речет: молчи, не именования ради имене Господня.

Ам.6:10  с толкованием

11
Понеже, се, Господь заповедает и побиет дом великий толчением и дом малый разседением.

Ам.6:11  с толкованием

12
Аще поженут в камениях кони? И аще умолкнут в женстем полу? Яко обратисте на гнев суд, и плод правды на горесть,

Ам.6:12  с толкованием

13
веселящиися ни о единем слове блазе, глаголющии: не крепостию ли нашею имамы роги?

Ам.6:13  с толкованием

14
Темже, се, Аз воздвигну на вы, доме Израилев, язык, глаголет Господь Бог Сил, и сокрушат вас еже не внити во Емаф и до водотечи западов.

Ам.6:14  с толкованием

Глава 
7

Ам.7  с толкованием

1
Сице показа ми Господь Бог, и се, приплод пружий идый утренний, и се, гусеница, един Гог царь.

Ам.7:1  с толкованием

2
И будет, аще скончает ядый траву земную, и рех: Господи, Господи, милостив буди, кто возставит Иакова? Яко мал есть.

Ам.7:2  с толкованием

3
Раскайся о сем, Господи: и сие не будет, глаголет Господь.

Ам.7:3  с толкованием

4
Сице показа ми Господь, и се, призва прю во огни Господь Бог, и пояде бездну многу, и пояде часть.

Ам.7:4  с толкованием

5
И рех: Господи, Господи, престани ныне, кто возставит Иакова? Яко мал есть.

Ам.7:5  с толкованием

6
Раскайся о сем, Господи: и сие не будет, глаголет Господь.

Ам.7:6  с толкованием

7
Сице показа ми Господь: и се, Муж стояй на ограде адамантове, и в руце Его адамант.

Ам.7:7  с толкованием

8
И рече Господь ко мне: что ты видиши, Амосе? И рех: адамант. И рече Господь ко мне: се, Аз учиню адаманта среде людий Моих Израиля, ктому не приложу, еже мимоити его:

Ам.7:8  с толкованием

9
и потребятся требища смеха, и требы Израилевы опустеют, и востану на дом Иеровоамль со оружием.

Ам.7:9  с толкованием

10
И посла Амасиа жрец Вефильский ко Иеровоаму царю Израилеву глаголя: развраты творит на тя Амос среде дому Израилева, не возможет земля подяти всех словес его,

Ам.7:10  с толкованием

11
понеже сия глаголет Амос: оружием скончается Иеровоам, Израиль же пленен отведется от земли своея.

Ам.7:11  с толкованием

12
И рече Амасиа ко Амосови: видяй гряди и отиди ты на землю Иудину, и тамо живи, и тамо да прорицаеши:

Ам.7:12  с толкованием

13
а в Вефили посем не приложи прорицати, яко освящение царя есть и дом есть царства.

Ам.7:13  с толкованием

14
И отвеща Амос и рече ко Амасии: не бех пророк аз, ниже сын пророчь, но пастырь бех и ягодичия обирая:

Ам.7:14  с толкованием

15
и поя мя Господь от овец и рече ко мне: иди и прорцы на люди Моя Израиля.

Ам.7:15  с толкованием

16
И ныне слыши слово Господне: ты глаголеши: не прорицай на Израиля и не возмущай народа на дом Иаковль:

Ам.7:16  с толкованием

17
сего ради сия глаголет Господь: жена твоя во граде соблудит, сынове же твои и дщери оружием падут, и земля твоя ужем измерится, и ты на земли нечистей скончаешися, и Израиль пленен отведется от земли своея.

Ам.7:17  с толкованием

Глава 
8

Ам.8  с толкованием

1
Сице показа ми Господь Бог: и се, сосуд птицеловца.

Ам.8:1  с толкованием

2
И рече (Господь): что ты видиши, Амосе? И рех: сосуд птицеловца. И рече Господь ко мне: приспе конец на люди Моя Израиля, не приложу ксему еже мимоити его.

Ам.8:2  с толкованием

3
И восплачутся стропове храма в той день, глаголет Господь Бог: мнози падшии во всем месте, навергу молчание.

Ам.8:3  с толкованием

4
Слышите убо сия, сокрушающии из утра убогаго и насильствующии нищих от земли,

Ам.8:4  с толкованием

5
глаголющии: когда прейдет месяц, и продамы, и (когда прейдут) субботы, и отверзем сокровища наша, еже сотворити меру малу, и увеличити мерило, и сотворити вес неправеден,

Ам.8:5  с толкованием

6
яко да притяжем убогия сребром и нищаго за сапоги, и от всякаго жита куплю сотворим?

Ам.8:6  с толкованием

7
Кленется Господь на презорство Иаковле, аще забудет в конец вся дела ваша:

Ам.8:7  с толкованием

8
и о сих не возмятется ли земля, и восплачется всяк живяй на ней? И взыдет яко река скончание (ея), и снидет якоже река Египетская.

Ам.8:8  с толкованием

9
И будет в той день, глаголет Господь Бог, зайдет солнце в полудне, и померкнет на земли в день свет:

Ам.8:9  с толкованием

10
и превращу праздники вашя в жалость и вся песни вашя в плачь, и возложу на всяк хребет вретище и на всяку главу плешь, и положу его яко жалость любимаго и сущыя с ним яко день болезни.

Ам.8:10  с толкованием

11
Се, дние грядут, глаголет Господь, и послю глад на землю, не глад хлеба, ни жажду воды, но глад слышания слова Господня:

Ам.8:11  с толкованием

12
и поколеблются воды от моря до моря и от севера до восток, и обтекут ищуще словесе Господня, и не обрящут.

Ам.8:12  с толкованием

13
В той день оскудеют девы добрыя и юноши в жажди,

Ам.8:13  с толкованием

14
кленущиися очищением Самарийским и глаголющии: жив бог твой, Дане, и жив бог твой, Вирсавее. И падут и не востанут ктому.

Ам.8:14  с толкованием

Глава 
9

Ам.9  с толкованием

1
Видех Господа стояща на жертвеннице, и рече: порази очистилище, и поколеблются преддверия, и пресецы в главы всех: и оставшыя их оружием избию, не убежит от них бежай, и не уцелеет от них уцелеваяй:

Ам.9:1  с толкованием

2
аще сокрыются во аде, то и оттуду рука Моя исторгнет я, и аще взыдут на небо, то и оттуду свергу я:

Ам.9:2  с толкованием

3
и аще скрыются на версе Кармила, то и оттуду взыщу и возму я, и аще погрузятся от очию Моею во глубинах морских, то и тамо повелю змиеви, и угрызет я:

Ам.9:3  с толкованием

4
и аще пойдут в плен пред лицем враг своих, и тамо повелю оружию, и избиет их: и утвержу очи Мои на них во злая, а не во благая.

Ам.9:4  с толкованием

5
И Господь Бог Вседержитель прикасаяйся земли и колебля ею, и возрыдают вси живущии на ней, и взыдет яко река скончание ея, и снидет яко река Египетская:

Ам.9:5  с толкованием

6
сотворяяй на небо восход Свой и обещание Свое на земли основаяй, призываяй воду морскую и проливаяй ю на лице земли: Господь Бог Вседержитель имя Ему.

Ам.9:6  с толкованием

7
Не якоже ли сынове Ефиопстии вы есте Мне, сынове Израилевы? Глаголет Господь. Не Израиля ли изведох из земли Египетския и иноплеменники из Каппадокии и Сиряны из Рова?

Ам.9:7  с толкованием

8
Се, очи Господа Бога на царство грешных, и отвергу е от лица земли: обаче не в конец отвергу дом Израилев, глаголет Господь.

Ам.9:8  с толкованием

9
Понеже, се, Аз заповедаю и развею дом Израилев во вся языки, якоже веется на веяле, и не падет сотрение на землю.

Ам.9:9  с толкованием

10
Оружием скончаются вси грешнии людий Моих, глаголющии: не приближатся, ни приидут на нас злая.

Ам.9:10  с толкованием

11
В той день возставлю скинию Давидову падшую, и возгражду падшая ея, и раскопаная ея возставлю, и возгражду ю якоже дние века:

Ам.9:11  с толкованием

12
яко да взыщут мене оставшиися человецы и вси языцы, в нихже призвася имя Мое в них, глаголет Господь творяй сия вся.

Ам.9:12  с толкованием

13
Се, дние грядут, глаголет Господь, и постигнет жатва оымание винограда, и созреет гроздие в сеятву, и искапают горы сладость, и вси холми насаждени будут:

Ам.9:13  с толкованием

14
и возвращу плен людий Моих Израиля, и возградят грады разореныя, и населятся, и насадят винограды и испиют вино их, и сотворят вертограды и снедят плод их:

Ам.9:14  с толкованием

15
и насажду я на земли их, и не исторгнутся ктому от земли своея, юже дах им, глаголет Господь Бог Вседержитель.

Ам.9:15  с толкованием
 
..
1 2
..
3 4 5 6 7
..
8 9
..

Главы на странице: одна / пять / все