показать остальные стихи главы...
1
Изыде же Аврам от Египта сам и жена его, и вся, елика его, и Лот с ним в пустыню.
3
И иде отнюдуже прииде, в пустыню до Вефила, до места, идеже бе ему куща первее, между Вефилем и между Агге,
4
на место жертвенника, идеже сотвори его первее: и призва тамо Аврам имя Господне.
6
И не вмещаше их земля жити вкупе, яко имения их бяху многа: и не можаху жити вкупе.
7
И бысть распря между пастухи скота Аврамля и между пастухи скота Лотова: Хананее же и Ферезее тогда живяху на земли (той).
8
Рече же Аврам Лоту: да не будет распря между мною и тобою, и между пастухи твоими и между пастухи моими, яко человецы братия мы есмы:
9
не се ли вся земля пред тобою есть? Отлучися ты от мене: аще ты на лево, аз на десно: аще же ты на десно, аз на лево.
10
И возвед Лот очи свои, виде всю окрестную страну Иорданскую, яко вся напаяема бяше водою, прежде неже низвратити Богу Содом и Гоморр, яко рай Божий, и яко земля Египетска, даже приити до Зогора:
показать остальные стихи главы...
11
и избра себе Лот всю окрестную страну Иорданскую, и отиде Лот от востока: и разлучистася кийждо от брата своего.
12
Аврам же вселися в земли Ханаанстей, Лот же вселися во граде окрестных стран и вселися в Содоме.
14
Бог же рече Авраму, повнегда разлучитися Лоту от него: воззри очима твоима и виждь от места, идеже ты ныне еси, к северу, и ливе, и к востоку, и морю:
16
и сотворю семя твое, яко песок земный: аще кто может исчести песок земный, то и семя твое изочтет:
17
востав проиди землю в долготу ея и в широту: яко тебе дам ю и семени твоему во век.
18
И отселився Аврам, пришед вселися у дуба Мамврийскаго, иже бяше в Хевроне: и созда ту жертвенник Господу.
Толкование преподобного Ефрема Сирина
Глава13