| |
показать остальные стихи главы...
1
Се, сия виде око мое, и слыша ухо мое,
2
и вем, елика и вы весте: и не неразумнее есмь вас.
3
Но обаче и аз ко Господу возглаголю, обличу же пред Ним, аще восхощет.
4
Вы бо есте врачеве неправеднии и целителе злых вси,
5
буди же вам онемети, и сбудется вам в премудрость.
6
Слышите же обличение уст моих, суду же устен моих вонмите.
7
Не пред Богом ли глаголете и пред Ним вещаете лесть?
8
Или уклонитеся, вы же сами судии будите.
9
Добро бо, аще изследит вас: аще бо вси творящии приложитеся к нему, обаче обличит вы.
показать остальные стихи главы...
10
Аще же и тай лицам удивитеся,
11
не движение ли Его смятет вас, боязнь же от Него нападет на вы?
12
Отидет же величание ваше равно пепелу, тело же бренно.
13
Умолчите, да возглаголю и почию от гнева.
14
Вземля плоти моя зубами, душу же мою положу в руце моей.
15
Аще мя убиет Сильный, понеже и нача, обаче возглаголю и обличу пред Ним:
16
и сие ми сбудется во спасение: не внидет бо пред Ним лесть.
17
Послушайте, послушайте глагол моих: возвещу бо вам слышащым.
18
Се, аз близ есмь суда моего, вем аз, яко праведен явлюся.
19
Кто бо есть судяйся со мною, да ныне умолчу и изчезну?
20
Двое же ми сотвориши, тогда от лица Твоего не скрыюся:
21
руку от мене отими, страх же Твой да не ужасает мя:
22
посем призовеши, аз же Тя послушаю, или возглаголеши, аз же Ти дам ответ.
23
Колицы суть греси мои и беззакония моя? Научи мя, кая суть?
24
Почто крыешися от мене? Мниши же мя противна суща Тебе?
25
Или яко лист движимь ветром убоишися? Или яко сену носиму ветром противляешимися?
26
Яко написал еси на мя злая, обложил же ми еси юностныя грехи:
27
положил же еси ногу мою в возбранение: сохранил же еси дела моя вся: в корения же ног моих пришел еси:
28
иже обетшают якоже мех, или якоже риза молием изядена.
|
|
|
Православный Календарь
Православные Святыни
Чудотворные Молитвы
Православная Библиотека
Православная Деятельность
Заказать Требы