| |
показать остальные стихи главы...
1
Отвещав же Валдад Савхейский, рече: доколе глаголати будеши сия?
2
Дух многоглаголив во устех твоих.
3
Еда Господь обидит судяй? Или вся сотворивый возмятет правду?
4
Аще сынове твои согрешиша пред Ним, посла руку на беззакония их:
5
ты же утренюй ко Господу Вседержителю моляся:
6
аще чист еси и истинен, молитву твою услышит, устроит же ти паки житие правды:
7
будут убо первая твоя мала, последняя же твоя без числа.
8
Вопроси бо рода перваго, изследи же по роду отцев:
9
вчерашни бо есмы и не вемы, сень бо есть наше житие на земли:
10
не сии ли научат тя и возвестят ти и от сердца изнесут словеса?
11
Еда произничет рогоз без воды, или растет ситник без напаяния?
12
Еще сущу на корени, и не пожнется ли? Прежде напаяния всякое былие не изсыхает ли?
13
Тако убо будут последняя всех забывающих Господа: надежда бо нечестиваго погибнет:
14
не населен бо будет дом его, паучина же сбудется селение его.
15
Аще подпрет храмину свою, не станет: емшуся же ему за ню, не пребудет.
16
Влажный бо есть под солнцем, и от тления его леторасль его изыдет:
17
на собрании камения спит, посреде же кремения поживет:
18
аще поглотит место, солжет ему, не видел еси таковая,
19
яко превращение нечестиваго таково, из земли же инаго произрастит.
20
Господь бо не отринет незлобиваго: всякаго же дара от нечестиваго не приимет.
21
Истинным же уста исполнит смеха, устне же их исповедания.
показать остальные стихи главы...
22
Врази же их облекутся в студ: жилище же нечестиваго не будет.
|
|
|
Православный Календарь
Православные Святыни
Чудотворные Молитвы
Православная Библиотека
Православная Деятельность
Заказать Требы