Глава 
13

показать остальные стихи главы...

3
И бысть егда слышаху закон, и отлучиша всех чуждих от Израиля.


4
И прежде сего Елиасив священник живяше в сокровищнем дому Бога нашего, сродник Товиин,


5
и сотвори ему сокровищный дом велик: таможе бяху прежде приносяще жертву и ливан, и сосуды и десятину пшеницы и вина и елеа, уставленая левитом и певцем и дверником, и начатки священническия.


6
Во всех же сих не бых во Иерусалиме, понеже в лето тридесять второе Артаксеркса царя Вавилонскаго приидох ко царю: и по скончании дний испросих от царя


7
и приидох во Иерусалим, и уразумех зло, еже сотвори Елиасив Товии, сотворити ему сокровищный дом во дворе дому Божия,


8
и зло явися ми зело: и извергох вся сосуды дому Товиева вон из дому сокровищнаго,


9
и рекох, и очистиша сокровищный дом: и возвратих онамо сосуды дому Божия, жертву и ливан.

показать остальные стихи главы...
 
..
1 2
..
3 4 5 6 7 8 9 10 11
..
12 13
..

Главы на странице: одна / пять / все

следующая »