Псалом 
1

Пс.1  с толкованием

1
Блажен муж, иже не иде на совет нечестивых, и на пути грешных не ста, и на седалищи губителей не седе:

Пс.1:1  с толкованием

2
но в законе Господни воля его, и в законе Его поучится день и нощь.

Пс.1:2  с толкованием

3
И будет яко древо насажденое при исходищих вод, еже плод свой даст во время свое, и лист его не отпадет: и вся, елика аще творит, успеет.

Пс.1:3  с толкованием

4
Не тако нечестивии, не тако: но яко прах, егоже возметает ветр от лица земли.

Пс.1:4  с толкованием

5
Сего ради не воскреснут нечестивии на суд, ниже грешницы в совет праведных.

Пс.1:5  с толкованием

6
Яко весть Господь путь праведных, и путь нечестивых погибнет.

Пс.1:6  с толкованием

Псалом 
2

Пс.2  с толкованием

1
Вскую шаташася языцы, и людие поучишася тщетным?

Пс.2:1  с толкованием

2
Предсташа царие земстии, и князи собрашася вкупе на Господа и на Христа Его.

Пс.2:2  с толкованием

3
Расторгнем узы их и отвержем от нас иго их.

Пс.2:3  с толкованием

4
Живый на небесех посмеется им, и Господь поругается им.

Пс.2:4  с толкованием

5
Тогда возглаголет к ним гневом Своим и яростию Своею смятет я:

Пс.2:5  с толкованием

6
Аз же поставлен есмь Царь от Него над Сионом, горою святою Его,

Пс.2:6  с толкованием

7
возвещаяй повеление Господне. Господь рече ко Мне: Сын Мой еси Ты, Аз днесь родих Тя:

Пс.2:7  с толкованием

8
проси от Мене, и дам ти языки достояние Твое, и одержание Твое концы земли:

Пс.2:8  с толкованием

9
упасеши я жезлом железным, яко сосуды скудельничи сокрушиши я.

Пс.2:9  с толкованием

10
И ныне, царие, разумейте, накажитеся вси судящии земли.

Пс.2:10  с толкованием

11
Работайте Господеви со страхом, и радуйтеся Ему со трепетом.

Пс.2:11  с толкованием

12
Приимите наказание, да не когда прогневается Господь, и погибнете от пути праведнаго, егда возгорится вскоре ярость Его: блажени вси надеющиися Нань.

Пс.2:12  с толкованием

Псалом 
3

Пс.3  с толкованием

1
Псалом Давиду, внегда отбегаше от лица Авессалома сына своего.

Пс.3:1  с толкованием

2
Господи, что ся умножиша стужающии ми? Мнози востают на мя,

Пс.3:2  с толкованием

3
мнози глаголют души моей: несть спасения ему в Бозе его.

Пс.3:3  с толкованием

4
Ты же, Господи, заступник мой еси, слава моя, и возносяй главу мою.

Пс.3:4  с толкованием

5
Гласом моим ко Господу воззвах, и услыша мя от горы святыя Своея.

Пс.3:5  с толкованием

6
Аз уснух, и спах, востах, яко Господь заступит мя.

Пс.3:6  с толкованием

7
Не убоюся от тем людий, окрест нападающих на мя.

Пс.3:7  с толкованием

8
Воскресени, Господи, спаси мя, Боже мой: яко Ты поразил еси вся враждующыя ми всуе, зубы грешников сокрушил еси.

Пс.3:8  с толкованием

9
Господне есть спасение, и на людех Твоих благословение Твое.

Пс.3:9  с толкованием

Псалом 
4

Пс.4  с толкованием

1
В конец, в песнех, Псалом Давиду.

Пс.4:1  с толкованием

2
Внегда призвати ми, услыша мя Бог правды моея: в скорби распространил мя еси: ущедри мя и услыши молитву мою.

Пс.4:2  с толкованием

3
Сынове человечестии, доколе тяжкосердии? Вскую любите суету и ищете лжи?

Пс.4:3  с толкованием

4
И уведите, яко удиви Господь преподобнаго Своего. Господь услышит мя, внегда воззвати ми к Нему.

Пс.4:4  с толкованием

5
Гневайтеся, и не согрешайте, яже глаголете в сердцах ваших, на ложах ваших умилитеся:

Пс.4:5  с толкованием

6
пожрите жертву правды и уповайте на Господа.

Пс.4:6  с толкованием

7
Мнози глаголют: кто явит нам благая? Знаменася на нас свет лица Твоего, Господи.

Пс.4:7  с толкованием

8
Дал еси веселие в сердцы моем: от плода пшеницы, вина и елеа своего умножишася:

Пс.4:8  с толкованием

9
в мире вкупе усну и почию, яко Ты, Господи, единаго на уповании вселил мя еси.

Пс.4:9  с толкованием

Псалом 
5

Пс.5  с толкованием

1
О наследствующем, Псалом Давиду.

Пс.5:1  с толкованием

2
Глаголы моя внуши, Господи, разумей звание мое.

Пс.5:2  с толкованием

3
Вонми гласу моления моего, Царю мой и Боже мой: яко к Тебе помолюся, Господи.

Пс.5:3  с толкованием

4
Заутра услыши глас мой: заутра предстану Ти, и узриши мя:

Пс.5:4  с толкованием

5
яко Бог не хотяй беззакония Ты еси: не приселится к Тебе лукавнуяй,

Пс.5:5  с толкованием

6
ниже пребудут беззаконницы пред очима Твоима: возненавидел еси вся делающыя беззаконие,

Пс.5:6  с толкованием

7
погубиши вся глаголющыя лжу: мужа кровей и льстива гнушается Господь.

Пс.5:7  с толкованием

8
Аз же множеством милости Твоея вниду в дом Твой, поклонюся ко храму святому Твоему, в страсе Твоем.

Пс.5:8  с толкованием

9
Господи, настави мя правдою Твоею, враг моих ради исправи пред Тобою путь мой.

Пс.5:9  с толкованием

10
Яко несть во устех их истины, сердце их суетно, гроб отверст гортань их, языки своими льщаху.

Пс.5:10  с толкованием

11
Суди им, Боже, да отпадут от мыслей своих: по множеству нечестия их изрини я, яко преогорчиша Тя, Господи.

Пс.5:11  с толкованием

12
И да возвеселятся вси уповающии на Тя, во век возрадуются, и вселишися в них: и похвалятся о Тебе любящии имя Твое.

Пс.5:12  с толкованием

13
Яко Ты благословиши праведника, Господи, яко оружием благоволения венчал еси нас.

Пс.5:13  с толкованием