|
показать остальные стихи главы...
1
В конец, в песнех о осмем, псалом Давиду.
2
Господи, да не яростию Твоею обличиши мене, ниже гневом Твоим накажеши мене.
3
Помилуй мя, Господи, яко немощен есмь: изцели мя, Господи, яко смятошася кости моя,
4
и душа моя смятеся зело: и Ты, Господи, доколе?
5
Обратися, Господи, избави душу мою, спаси мя ради милости Твоея:
6
яко несть в смерти поминаяй Тебе, во аде же кто исповестся Тебе?
7
Утрудихся воздыханием моим, измыю на всяку нощь ложе мое, слезами моими постелю мою омочу.
8
Смятеся от ярости око мое, обетшах во всех вразех моих.
показать остальные стихи главы...
9
Отступите от мене, вси делающии беззаконие, яко услыша Господь глас плача моего,
10
услыша Господь моление мое, Господь молитву мою прият.
11
Да постыдятся и смятутся вси врази мои, да возвратятся и устыдятся зело вскоре.
|
|
|
Толкование блаженного Феодорита Кирского
Пс.6
Псалом6