| |
показать остальные стихи главы...
1
В конец, песнь псалма воскресения.
2
Воскликните Господеви вся земля, пойте же имени Его, дадите славу хвале Его.
3
Рцыте Богу: коль страшна дела Твоя? Во множестве силы Твоея солжут Тебе врази Твои.
4
Вся земля да поклонится Тебе и поет Тебе, да поет же имени Твоему, Вышний.
5
Приидите и видите дела Божия, коль страшен в советех паче сынов человеческих.
6
Обращаяй море в сушу, в реце пройдут ногами: тамо возвеселимся о Нем,
7
владычествующем силою Своею веком: очи Его на языки призираете: преогорчевающии да не возносятся в себе.
8
Благословите, языцы, Бога нашего, и услышан сотворите глас хвалы Его,
9
положшаго душу мою в живот, и не давшаго во смятение ног моих.
10
Яко искусил ны еси, Боже, разжегл ны еси, якоже разжизается сребро.
11
Ввел ны еси в сеть, положил еси скорби на хребте нашем.
12
Возвел еси человеки на главы нашя: проидохом сквозе огнь и воду, и извел еси ны в покой.
13
Вниду в дом Твой со всесожжением, воздам Тебе молитвы моя,
14
яже изрекосте устне мои, и глаголаша уста моя в скорби моей.
15
Всесожжения тучна вознесу Тебе с кадилом, и овны, вознесу Тебе волы с козлы.
показать остальные стихи главы...
16
Приидите, услышите, и повем вам, вси боящиися Бога, елика сотвори души моей.
17
К Нему усты моими воззвах, и вознесох под языком моим.
18
Неправду аще узрех в сердцы моем, да не услышит мене Господь.
19
Сего ради услыша мя Бог, внят гласу моления моего.
20
Благословен Бог, Иже не отстави молитву мою и милость Свою от мене.
|
|
|
Толкование блаженного Феодорита Кирского
Псалом65