| |
показать остальные стихи главы...
1
В конец, о точилех, псалом Асафу.
2
Радуйтеся Богу помощнику нашему, воскликните Богу Иаковлю:
3
приимите псалом и дадите тимпан, псалтирь красен с гусльми:
4
вострубите в новомесячии трубою, во благознаменитый день праздника вашего:
5
яко повеление Израилеви есть, и судба Богу Иаковлю.
6
Свидение во Иосифе положи е, внегда изыти ему от земли Египетския: языка, егоже не ведяше, услыша.
7
Отят от бремене хребет его: руце его в коши поработасте.
8
В скорби призвал Мя еси, и избавих тя: услышах тя в тайне бурне: искусих тя на воде Пререкания.
9
Слышите, людие Мои, и засвидетелствую вам, Израилю, аще послушаеши Мене:
10
не будет тебе бог нов, ниже поклонишися богу чуждему.
11
Аз бо есмь Господь Бог твой, изведый тя от земли Египетския: разшири уста твоя, и исполню я.
показать остальные стихи главы...
12
И не послушаша людие Мои гласа Моего, и Израиль не внят Ми:
13
и отпустих я по начинанием сердец их, пойдут в начинаниих своих.
14
Аще быша людие Мои послушали Мене, Израиль аще бы в пути Моя ходил:
15
ни о чесомже убо враги его смирил бых, и на оскорбляющыя их возложил бых руку Мою.
16
Врази Господни солгаша ему, и будет время их в век:
17
и напита их от тука пшенична, и от камене меда насыти их.
|
|
|
Толкование блаженного Феодорита Кирского
Псалом80