Глава 
6

Втор.6  с толкованием

1
И сия заповеди и оправдания и суды, елика заповеда Господь Бог ваш научити вас творити тако на земли, в нюже вы входите тамо, наследити ю:

Втор.6:1  с толкованием

2
да боитеся Господа Бога вашего, хранити вся оправдания Его и заповеди Его, яже аз заповедаю тебе днесь, ты и сынове твои, и сыны сынов твоих, во вся дни живота твоего, да многи дни пребудете.

Втор.6:2  с толкованием

3
И послушай, Израилю, и снабди творити, да благо ти будет, и да умножитеся зело, якоже глагола Господь Бог отец ваших, дати тебе землю кипящую млеком и медом. И сия оправдания и суды, елика заповеда Господь (Бог) сыном Израилевым в пустыни, изшедшым им из земли Египетския.

Втор.6:3  с толкованием

4
Слыши, Израилю: Господь Бог наш Господь един есть.

Втор.6:4  с толкованием

5
И возлюбиши Господа Бога твоего от всего сердца твоего и от всея души твоея и от всея силы твоея.

Втор.6:5  с толкованием

6
И да будут словеса сия, яже Аз заповедаю тебе днесь, в сердцы твоем и в души твоей,

Втор.6:6  с толкованием

7
и да накажеши ими сыны твоя, и да возглаголеши о них седяй в дому и идый путем, и лежа и востая:

Втор.6:7  с толкованием

8
и навяжеши я в знамение на руку твою, и да будут непоколеблема пред очима твоима:

Втор.6:8  с толкованием

9
и да напишете я на празех храмине ваших и врат ваших.

Втор.6:9  с толкованием

10
И будет егда введет тя Господь Бог твой в землю, еюже клятся отцем твоим, Аврааму и Исааку и Иакову, дати тебе грады велики и добры, ихже не создал еси,

Втор.6:10  с толкованием

11
домы полны всяких благ, ихже не наполнил еси, потоки ископаны, ихже не ископал еси, винограды и маслины, ихже не насадил еси: и ядый и насытився,

Втор.6:11  с толкованием

12
вонми себе, да не разширится сердце твое, да не забудеши Господа Бога твоего, изведшаго тебе из земли Египетския, от дому работы.

Втор.6:12  с толкованием

13
Господа Бога твоего да убоишися, и тому единому послужиши, и к Нему прилепишися, и именем Его кленешися.

Втор.6:13  с толкованием

14
Да не ходите вслед богов иных, богов языческих, иже окрест вас:

Втор.6:14  с толкованием

15
яко Бог ревнив Господь Бог твой посреде тебе: да не разгневався яростию Господь Бог твой на тя, потребит тя от лица земли.

Втор.6:15  с толкованием

16
Да не искусиши Господа Бога твоего, якоже искушасте во Искушении.

Втор.6:16  с толкованием

17
Храня да сохраниши заповеди Господа Бога твоего, свидения Его и оправдания Его, елика заповеда тебе:

Втор.6:17  с толкованием

18
и да сотвориши угодное и благое пред Господем Богом твоим, да благо будет тебе, и внидеши и наследиши землю благую, еюже клятся Господь отцем вашым,

Втор.6:18  с толкованием

19
отгнати вся враги твоя от лица твоего, якоже глагола Господь.

Втор.6:19  с толкованием

20
И будет егда вопросит тя сын твой утре, глаголя: что суть свидения и оправдания и суды, елика заповеда Господь Бог наш нам?

Втор.6:20  с толкованием

21
И речеши сыну твоему: раби бехом фараону в земли Египетстей, и изведе нас Господь Бог оттуду рукою крепкою и мышцею высокою:

Втор.6:21  с толкованием

22
и даде Господь (Бог) знамения и чудеса велика и зла во Египте на фараона и на дом его и на силу его пред нами,

Втор.6:22  с толкованием

23
и нас изведе Господь Бог наш оттуду, да введет нас дати нам землю сию, еюже клятся Господь Бог наш отцем нашым, дати ю нам:

Втор.6:23  с толкованием

24
и заповеда нам Господь творити вся оправдания сия, боятися Господа Бога нашего, да благо будет нам во вся дни, да живем, якоже и днесь,

Втор.6:24  с толкованием

25
и милосердие будет нам, аще сохраним творити вся заповеди закона сего пред Господем Богом нашим, якоже заповеда нам.

Втор.6:25  с толкованием

Толкования на главу Втор.6
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу Второзаконие

Втор.6
 
..
1 2
..
3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32
..
33 34
..

Главы на странице: одна / пять / все