показать остальные стихи главы...
1
Братии сущей во Египте Иудеом радоватися: братия иже во Иерусалиме Иудее и иже во стране Иудейстей, мира благаго:
2
и да благосотворит вам Бог и да помянет завет Свой иже ко Аврааму и Исааку и Иакову рабом Своим верным,
3
и да даст вам сердце всем во еже чествовати Его и творити хотения Его сердцем великим и душевным изволением,
7
Царствующу Димитрию лета сто шестьдесят девятаго, мы Иудее писахом вам в скорби и в горести нашедшей нам в летех сих, отнележе отступи Иасон и иже с ним от святыя земли и царства,
8
и пожгоша врата, и пролияша кровь неповинну: и молихомся Господеви, и услышани есмы, и принесохом жертву и семидал, и возжгохом светилники, и предложихом хлебы.
показать остальные стихи главы...
10
Лета сто осмьдесят осмаго, иже во Иерусалиме и иже во Иудеи, и старейшины и Иуда Аристовулу учителю Птоломеа царея сущему же от помазанных иереев рода, и сущым во Египте Иудеом, радоватися и здравствовати.
13
в Персиду бо быв вождом, и при нем нестерпимая мнящаяся быти сила, посечени быша в капищи Нанеи, прельщения употребившым жерцем сущым при Нанеи.
14
Аки бо спребывати хотя ей, прииде на место Антиох и иже с ним друзи, взятия ради сребреников под именем вена:
15
и предложившым сия жерцем Нанеи, и оному вшедшу с малыми в притвор капища, заключивше капище,
16
егда вниде Антиох, отверзше свода сокровенную дверь, метающе камение побиша игемона и сущих с ним, и разделивше на уды и главы отсекше изметаша к сущым вне.
18
Хотяще убо праздновати двадесять пятаго дне месяца Хаслева очищение церкве, потребно непщевахом известити вам, да и вы празднуете день скинопигии и огня, егда Неемиа создав церковь и олтарь, принесе жертву.
19
Ибо егда в Персиду ведяхуся отцы наши, тогда жерцы боящиися Бога вземше от огня олтарнаго отай, скрыша во юдоль кладязя дно имеюща безводное, и в нем соблюдоша, яко всем неведому быти месту.
20
Преминувшым же летом многим, егда изволися Богу, посланный Неемиа от царя Персидскаго, внуки жерцев сокрывших посла на взыскание огня: и якоже поведаша нам, не обретоша огня, но воду густу,
21
повеле им черпати и принести: егда же принесена быша жертвенная, повеле жерцем Неемиа покропити водою дрова и лежащая на них.
22
Егда же бысть сие, и время прииде, егда солнце возсия прежде облачно сущо, возжжеся огнь велик, яко дивитися всем.
23
Молитву же творяху жерцы, егда горяще жертва, и жерцы и вси Ионафану начинающу, прочым же отвещающым, якоже Неемии.
24
Бе же молитва имеющи образ сей: Господи, Господи Боже, всех Творче, страшный и крепкий, и праведный и милостивый, единый Царю и благий,
25
единый дателю, едине праведне и Вседержителю и вечный, спасаяй Израиля от всякаго зла, сотворивый отцы избранны и освятивый их,
27
собери расточение наше, избави работающих языком, на уничижениых и мерзких призри, и да уведят языцы, яко Ты еси Бог наш:
33
Егда же явлена бысть вещь, и возвещено бысть царю Персску, яко на месте, в немже огнь скрыша преселеннии жерцы, вода явися, отнележе Неемиа и сущии с ним очистиша жертвы,
36
Прозва же Неемиа и иже с ним место то Неффарь, еже сказуется очищение, нарицается же у многих Неффай.